İctimai nəqliyyatda çalışan sürücülərə qarşı sərt tədbirlər görüləcək – VİDEO

Avropa Oyunları ilə əlaqədar olaraq Nəqliyyat Nazirliyi tərəfindən sürücələrlə bağlı aparılan işlər davam etdirilir.

AzNews.info xəbər verir ki, ANS TV-nin məlumatına görə, artıq qayda pozan onlarla avtobus sürücüsü cəzalandırılıb.

“Ay ərzində bəzən olur ki, 100- 200-dən çox sürücüyə şifahi olaraq müəyyən tapşırıqlar verilir. Bəzən də sürücülər işdən azad edilir ki, sərnişinlərin həyatı ilə oynamasın.

Hazırda bu istiqamətdə görülən işlər daha da gücləndiriləcək. Bu istər oyunlar vaxtı olsun, istərsə də oyunlardan sonra. İctimai nəqliyytada çalışan sürücülərə qarşı çox ciddi və sərt tədbirlər görüləcək.

Bununla bağlı sahibkarlara da dəfələrlə xəbərdalıq edilib. Qəza törədən, yaxud da ki, kiminsə xəttində həlak olan insanların sayı ilə bağlı təkrar hadisələr baş verərsə, mütləq sahibkar həmin sürücü ilə müqaviləyə xitam veməlidir”, - deyə Nəqliyyat Nazirliyinin ictimaiyyətlə əlaqələr şöbəsinin rəhbəri Namiq Həsənov bildirib.