“Sənə görə” mahnısı birinci oldu – VİDEO

İranın "Şoma TV" kanalının mahnı müsabiqəsində güneyli gənc müğənni “Sənə görə” mahnısı ilə birinci yeri tutub.

ANS PRESS-in məlumatına görə, bu yaxınlarda İranda adı dillərə düşən Əli Pormehrin “Yağış altında” mahnı albomu işıq üzü görüb. Azərbaycan mahnıları oxuyan müğənni xalq arasında böyük sevinclə qarşılanır.

Öz səsi ilə İran və Azərbaycan musiqisinə yeni nəfəs qatan gənc müğənnini parlaq gələcək gözləyir. Ana dilinə vurğun olan müğənni İranın rəsmi kanalında çıxış edir.

İran mətbuatı yazır ki, Ə.Pormehr yaxın gələcəkdə Urmiyədə geniş konsert proqramı ilə çıxış edəcək.