Mənsimovun oteli Yaxın Şərqin ən lüks oteli seçildi – VİDEO+FOTO

Virtualaz.org saytı Türkiyə biznes mediasına istinadən xəbər verir ki, “Palmalife Marina Hotel” 120 iddiaçının qatıldığı “Luxury Lifestyle Awards” beynəlxalq müsabiqəsində qalib elan olunub.

“Palmalife Marina Hotel” M.Mənsimovun Bodrum Yalıkavakda yerləşən yeddiulduzlu istirahət-əyləncə mərkəzinin tərkibinə daxildir.

“Palmali Group” 2011-ci ildə bu oteli alaraq yenidən inşa edib, orada dünyanın ən lüks yaxtaları üçün liman, “Billionare Club” restoranı, lüks alış-veriş mərkəzi yerləşir.

M.Mənsimovun milyarderlər üçün nəzərdə tutulmuş istirahət mərkəzində müştərilərə hər cür lüks xidmətlər təklif edilir.

“Luxury Lifestyle Awards”ın qurucusu Aleksandr Çetçikov M.Mənsimovun otelinə xüsusi mükafatın və sertifikatın təqdim edilməsi mərasimində deyib ki, hazırda Yaxın Şərq lüks seqmentdə ən sürətlə inkişaf edən və ən perspektivli bazarlardan biridir.

“Palmalife Marina Hotel” isə ən lüks kateqoriyada lüksün və bənzərsizliyin simvolu kimi bu mükafatı qazanıb.