Bakıda 4 uşağı alovdan çıxaran gənc – FOTO

Binəqədi rayonu ərazisində çoxmərtəbəli binada baş vermiş yanğında yanğınsöndürənlərlə yanaşı sadə vətəndaşlar da binadakı sakinləri xilas etmək üçün çalışıblar.

ANS PRESS-in məlumatına görə, anadangəlmə əlil olan Ağsu rayon sakini Babayev Kamran Uğur oğlu özünü oda ataraq 4 uşağın həyatını xilas edib.

Bakıya işləməyə gələn Kamran Babayev haqda “Facebook”da məlumat paylaşılıb:

"Kamran Bakıda fəhlə kimi çalışır. Dünən yanğın zamanı könüllü olaraq yanan binaya daxil olub və 4 uşağı çıxarıb. Hadisə zamanı əllərindən və ayaqlarından ciddi yanıq xəsarətləri alıb .O bildirib ki heç nə istəmir, sadəcə evi yananlar evlə təmin olunsun və bir daha Azərbaycan belə bir gün yaşamasın".

Xatırladaq ki, mayın 19-da Bakıda yanğına həssas üzlüklü 16 mərtəbəli binada 15 nəfərin ölümü ilə nəticələnən yanğın baş verib.