Paytaxtdakı yanğın “Euronews”da – VİDEO

Bakıda Azadlıq prospektində baş verən yanğın dünya mətbuatının da diqqətini çəkib.

ANS PRESS-in məlumatına görə, bir sıra türk, rus və ingilis dilində olan xəbər agentlikləri, saytlar və telekanallar faciədən məlumat veriblər. Avropanın “Euronews”, RT və Rusiyanın “Rossiya” kanalları yanğın barədə sujetlər hazırlayıblar.

Bundan başqa, "Ria.ru", "Dailymail", "Abcnews" və bir sıra başqa xəbər agentlikləri də Azadlıq prospektində baş verən yanğın haqqında məlumatlar paylaşıb. Yanğın haqqında "Wikipedia" səhifəsi də yaradılıb.

Xatırladaq ki, dəhşətli yanğın hadisəsi 19 may səhər saatlarında Binəqədi rayonu, Azadlıq 189 ünvanında baş verib. 16 mərtəbəli bina alovlanıb. Hadisə yerinə onlarla təcili yardım və yanğınsöndürən briqadaları cəlb edilib. Səhiyyə Nazirliyinin mətbuat xidmətindən ANS PRESS-ə verilən məlumata görə, ölənlərin sayı 15-ə çatıb. Yanğın nəticəsində ümumilikdə 64 nəfər xəsarət alıb.