Bakıda iki yol da bağlandı

Bu gecə Bakıda daha iki yol bağlanacaq. Bu barədə Nəqliyyat Nazirliyi “Azəryolservis” ASC-nin mətbuat xidmətindən ANS PRESS-ə məlumat verilib.

Verilən məlumata görə, Üzeyir Hacıbəyli küçəsi və Zərifə Əliyeva küçələrində nəqliyyat vasitələrinin hərəkəti tam məhdudlaşdırılacaq.

Göstərilən ərazidə tam məhdudlaşdırma Bakı şəhərində nəqliyyat vasitələrinin hərəkətinin tənzimlənməsi məqsədi ilə yol cizgiləri xətlərinin, piyada keçidlərinin və yolgöstərici xətlərin yenidən rənglənməsi səbəbindən axşam saat 22:00-dan səhər saatlarınadək tətbiq ediləcək.

Qurum rəhbərliyi sürücülərdən aparılan işlərə anlayışla yanaşmalarını xahiş edir. Göstərilən müddət ərzində alternativ yollardan istifadə etmələri tövsiyə olunur. Sürücülər Ü.Hacıbəyli küçəsinə alternativ olaraq 28 May küçəsindən istifadə edə bilərlər.