Mərkəzi prospektdə nəqliyyat vasitələrinin hərəkəti qismən məhdudlaşdırılacaq

Sabah Heydər Əliyev prospektinin “Hava limanı” yol qovşağından “Sabunçu” yol qovşağınadək olan hissəsində nəqliyyat vasitələrinin hərəkəti qismən məhdudlaşdırılacaq.

Oxu.Az “Azəryolservis” ASC-yə istinadən xəbər verir ki, göstərilən ərazidə qismən məhdudlaşdırma Bakı şəhərində nəqliyyat vasitələrinin hərəkətinin tənzimlənməsi məqsədi ilə yol cizgiləri xətlərinin, piyada keçidlərinin və yol göstərici xətlərin yenidən rənglənməsi səbəbi ilə səhər saat 10:30-dan axşam saat 17:00-dək tətbiq ediləcək.

Sürücülərə aparılan işlərlə əlaqədar alternativ yollardan istifadə etmələri tövsiyə olunur.