Bakıda daha iki yol bağlanır

Bu gecə Bakıda iki küçədə hərəkət məhdudlaşdırılacaq.

Oxu.Az xəbər verir ki,“Azəryolservis” ASC-dən Nəqliyyatı İntellektual İdarəetmə Mərkəzinə verilən məlumata əsasən, bu gün saat 22:00-dan etibarən Məmməd Araz küçəsinin Atatürk prospekti ilə kəsişməsindən Azadlıq prospekti ilə kəsişməsinə qədər, 00:00-dan etibarən isə Yusif Vəzir Çəmənzəminli küçəsinin Azadlıq prospekti ilə kəsişməsindən Səməd Vurğun küçəsi ilə kəsişməsinə qədər olan hissəsində nəqliyyat vasitələrinin hərəkəti qismən məhdudlaşdırılacaq.

Ərazirdə nəqliyyat vasitələrinin məhdudlaşdırılması yol cizgiləri xətlərinin, piyada keçidlərinin və yol göstərici xətlərin yenidən rənglənməsi ilə bağlıdır.

Hər iki küçədə işlərin təxminən gecə saat 4:00 radələrində bitməsi planlaşdırılır.

Qeyd edək ki, Bakı şəhərinin yollarında olan son vəziyyətlə bağlı operativ məlumat hər 30 dəqiqədən bir 107.7 – “AvtoFM” radiosunun efirində açıqlanır.