“Azneft” dairəsində yol bağlanacaq

Şəhərin başqa istiqamətlərində də nəqliyyatın hərəkəti məhdudlaşdırılacaq.

Bu gün saat 22:00-dan etibarən Bakının “Azneft” dairəsindən Dövlət Bayrağı Meydanı istiqamətində nəqliyyat vasitələrinin hərəkəti qismən məhdudlaşdırılacaq.

AzNews.info APA-ya istinadən xəbər verir ki, Nəqliyyat Nazirliyi “Azeryolservis” ASC-nin mətbuat xidmətinin rəhbəri Pünhan Mürsəliyev APA-Economics-ə verdiyi məlumata görə, nəqliyyat vasitələrinin hərəkətinin məhdudlaşdırılması qeyd olunan avtomobil yolunun hərəkət hissəsinin üfüqi nişanlanması ilə əlaqədardır.

P.Mürsəliyev əlavə edib ki, sabah saat 9:00-da Lökbatan dairəsindən Ələt qəsəbəsi istiqamətində yolun hərəkət hissəsinin üfüqi nişanlanması ilə əlaqədar nəqliyyat vasitələrinin hərəkəti qismən məhdudlaşdırılacaq.

Eyni səbəbdən sabah saat 22:00-da Bibiheybət qəsəbəsindən Lökbatan dairəsi istiqamətində nəqliyyat vasitələrinin hərəkətinə qismən məhdudiyyət tətbiq olunacaq