Sürücülərə xoş xəbər – FOTO

AZXEBER.COM-un Nəqliyyatı İntellektual İdarəetmə Mərkəzinə istinadən verdiyi məlumata görə, Bakıda bağlı olan daha bir yol açıldı.

Gülayə Qədirbəyova küçəsində yolda aparılan təmir işləri başa çatıb. Bu səbəbdən də nəqliyyat vasitələrinin hərəkəti bərpa olunub.

Qeyd edək ki adıçəkilən küçədə aparılan təmir işləri iki gün öncə Bakıda misilsiz tıxaca səbəb olmuşdu. Belə ki, Koroğlu Rəhimov küçəsi ilə Gülayə Qədirbəyova küçəsinin kəsişməsində aparılan yol təmir işləri ilə əlaqədar Heydər Əliyev prospektində, Babək prospektindən Heydər Əliyev prospekti istiqamətində, Neftçilər prospekti Dəniz Vağzalının qarşısında tıxac yaranmışdı.