Bu qəzadan sağ çıxmanın bir adı var - Möcüzə – VİDEO+FOTO

Sosial şəbəkələrdə qorxunc qəzanın görüntüləri yayılıb.

ANS PRESS-in məlumatına görə, Rusiyanın Tyumen vilayətində baş verən qəza qarşıdan gələn avtomobilin video reqistratoruna düşüb.

Dəhşətli qəza Tyumen ərazisində baş yolda olub. “Chery” avtomobilinin sürücüsü “Mercedes” maşını ilə toqquşmadan sonra möcüzə nəticəsində sağ qalıb. Qəzanın əsas gunahkarı da “Chery” avtomobilinin sürücüsü olub. Belə ki, sərxoş olan sürücü qarşı yola çıxıb.

Toqquşmadan sonra onun maşını yol qırağına aşıb və bir neçə dəfə çevrilib. Zərbənin gücü sürücü və salonda olan sərnişini bayıra atıb. Hər iki şəxs yüngül zədələrlə canını qurtarıb. "Mersedes" də heç kim zərər çəkməyib.