Hindistanda 97 nəfər spirtli içkidən öldü

Hindistanda 3 gün ərzində 97 nəfər spirtli içkidən ölüb.

Oxu.Az IANS agentliyinə istinadən xəbər verir ki, ölüm halları Uttar-Pradeş və Uttarakhand ştatlarında qeydə alınıb.

Məlumata görə, fevralın 7-də dəfn mərasimində spirtli içki qəbul edən kənd sakinləri özlərini sonradan pis hiss edib.

Polis araşdırma zamanı 10 min litrdən çox qeyri-leqal yolla istehsal edilmiş spirtli içki müsadirə edib.