Sabirabadda maşın piyadanı vurub öldürdü

Sabirabad rayonunda avtomobillə vurulan piyada ölüb.

Oxu.Az-ın məlumatına görə, hadisə rayonun Bulaqlı kəndində baş verib.

Sabirabad rayon sakini, 1987-ci il təvəllüdlü Murad Bəylər oğlu Nəsirov “QAZ-3110“ markalı, 10 HT 838 dövlət nömrə nişanlı avtomobillə hərəkətdə olarkən, yolun kənarında dayanmış, Sabirabad rayonunun Rüstəmli kənd sakini Nadir Hüseynovu vurub.

Yaralı 1 saylı Respublika Klinik Xəstəxanasına çatdırılsa da, orada dünyasını dəyişib.

Faktla bağlı araşdırma aparılır