Sabirabadda ata və oğlu bıçaqlanıb

Sabirabad rayonunda bıçaqlanma hadisəsi baş verib.

AzNews.info-nun APA-ya istinadən verdiyi məlumatına görə, hadisə ötən gün rayonun Əhmədabad kəndində qeydə alınıb.

Kənd sakini, 1964-cü il təvəllüdlü Əhmədov Murad Yazdan oğlu qohumları - 1965-ci il təvəllüdlü Əhməd Hafiz oğlu Əhmədovu və onun oğlu, 1980-ci il təvəllüdlü Xamza Əhməd oğlu Əhmədovu bıçaqlayıb. Bıçaqlanan şəxslər Sabirabad Rayon Mərkəzi Xəstəxanasına yerləşdirlib.

Hadisənin ailə münaqişəsi zəminində baş verdiyi bildirilir. M.Əhmədov saxlanılıb.

Faktla bağlı Sabirabad rayon Polis Şöbəsində cinayət işi açılıb, araşdırma aparılır.