Yasamalda ağır qəza: sürücü öldü

Bakıda bir nəfərin ölümünə səbəb olan yol nəqliyyat hadisəsi baş verib. Qəza Yasamal rayonu Talıblı və Şərifzadə küçələrinin kəsişməsində baş verib. Qəza zamanı 1989-cu il təvəllüdlü İbrahimov Xəyal İbrahim oğlu idarə etdiyi “Daewoo” markalı maşınla Talıblı küçəsindən üzü Şərifzadə küçəsinə doğru hərəkətlə olan zaman, Muradov Ağaxan Ağahüseyn oğlnun idarə etdiyi və 20 yanvar metrosu istiqamətindən üzü İnşaatçılar metrosuna tərəf hərəkət edən “Azsamand” markalı nəqliyyat vasitəsi ilə toqquşub.

Qəzadan sonra hər iki sürücü xəsarət aldığından onlar təcili tibbi yardım avtomobili ilə 1 saylı şəhər klinik xəstəxanasıan çatdrılıb. Amma edilən tibbi yardımlara baxmayaraq “Daewoo”nun sürücüsünün həyatını xilas etmək mümkün olmayıb.

Qəzadan sonra hadisə yerində Yasamal Rayon Polis idarəsinin əməkdaşları tərəfindən araşdırma aparılıb. İlkin ehtimala görə qəza sürücülərdən birinin yol kəsişməsində işıqforun qırmızı işığına məhəl qoymadan hərəkətini davam etdirməsi səbəbindən baş verib.

Hadisə ilə bağlı Yasamal Rayon Polis idarəsində araşdırma başlanılıb, qəzanın səbəbləri bu araşdırmalardan sonra məlum olacaq.