Kürdlər Türkiyəyə daha 2 raket atdılar

Türkiyənin Hatay vilayətinin Kırıkhan mahalına PYD terror qruplaşması tərəfindən 2 raket atılıb.

Virtualaz.org bildirir ki, bu barədə CNN Turk xəbər yayıb.

Bildirilir ki, raketlər Yalankoz məhəlləsinə atılıb. Raketlərdən birinin qəlpələrindən yaxınlıqdakı evlərə zərər dəyib.

Polis və jandarm qüvvələri ətrafda təhlükəsizliyi gücləndirib və əhaliyə xəbərdarlıq edərək mümkün qədər evdən çıxmamağı məsləhət görüb.

Xatırladaq ki, Türkiyə ərazisi terrorçular tərəfindən bir neçə gün əvvəl də atəşə tutulmuşdu. Raketlərdən biri məscidə düşmüş, nəticədə 2 nəfər həlak olmuş, 11 nəfər isə yaralanmışdı.