Sankt Peterburqa göy qar yağıb
Yerli sakinlər qeyri-adi təbiət hadisəsi ilə bağlı sosial şəbəkədə paylaşım edib
Rusiyanın Snakt Peterburq şəhərinin bəzi bölgələrinə göy qar yağıb.
İnterAz Rusiya mətbuatına istinadən xəbər verir ki, yerli sakinlər qeyri-adi təbiət hadisəsi ilə bağlı sosial şəbəkədə paylaşım edib. Rusiyanın ətraf mühitin monitorinq agentliyinin rəsmiləri araşdırma aparmaq üçün qardan nümunələr götürüblər.
Səlahiyyəli şəxslər bildirib ki, qarın əksəriyyəti açıq göy, bir hissəsi isə bənövşəyi rəngdədir. Qarın niyə bu rəngdə olduğu ilə bağlı araşdırma aparılır.
2015-ci ilin fevral ayında Rusiyanın Çelyabinsk şəhərinə göy qar yağmışdı. O zaman aparılan araşdırma zamanı məlum olmuşdu ki, Pasxa bayramı üçün yumurta boyası istehsal edən fabrikin ventilyasiya sisteminə göy rəngin düşməsi nəticəsində baş vermişdi.
Mənbə:> İnterAz