Formulada bir gündə üç qəza – VİDEO + FOTO (YENİLƏNİB)

Formula-1 üzrə Azərbaycan Qran-Prisinin ilk sərbəst yürüşü zamanı daha bir qəza baş verib.

Oxu.Az-ın məlumatına görə, “Renault Sport”un pilotu Colion Palmer Qız Qalasının yaxınlığında qəzaya düşüb.

Onun bolidi səddə çırpılıb.






14:35

Formula-1 üzrə Azərbaycan Qran-Prisinin ilk sərbəst yürüşü zamanı qəza baş verib.

Oxu.Az-ın məlumatına görə, “Force İndia”nın pilotu Serxio Peresin bolidi səkkizinci döngədə - Qız Qalasının yaxınlığında səddə çırpılıb və yararsız hala düşüb.

Zərbənin gücündən bolidin sağ arxa təkəri qopub. Pilot bolidi tərk edikdən sonra marşallar ərazidə təmizlik işi aparıblar. Bolidin trasdan götürülməsi üçün kran gətirilib.

Qeyd edək ki, buna qədər Serxio Peres birinci döngədə xoşagəlməz halla üzləşib. Onun idarə etdiyi bolidin tormuzu bloklandığı üçün trasın kənarına çıxıb.




12:12

Bu gün Bakıda start götürmüş Formula-2 yarışlarında ilk qəza hadisəsi baş verib.

Oxu.Az xəbər verir ki, qəzanı DAMS komandasından olan britaniyalı Oliver Rouland törədib. O, Bakı trasında döngələrin birində idarəetməni itirib. Bu, Formula-2 pilotlarının sərbəst yürüşü zamanı baş verib.

Hazırda yürüş davam edir.