Bakıda böyük bir ərazidə meşə-park salınır – VİDEO

Bakıda mərkəzə yaxın böyük bir ərazidə meşə-park salınacaq.

AzNews.info Xəzər TV-yə istinadən məlumat verir ki, söhbət Xətai rayonunun Sadıqcan küçəsi və Zığ şosselərinin birləşməsində yerləşən parkdan gedir.

Yenidənqurma işləri çərçivəsində Sadıqcan küçəsi boyunca qanunsuz olaraq fəaliyyət göstərən səkkiz obyekt tam sökülüb.

Xətai rayon İcra Hakimiyyətinin baş memarı Vadim Surxayovun sözlərinə görə, işlər çərçivəsində insanların parka rahat və maneəsiz giriş-çıxışını təmin etmək məqsədi ilə yeraltı və yerüstü bir neçə piyada keçidinin inşası nəzərdə tutulub.

İşlərin bu ilin sonuna qədər yekunlaşacağı gözlənilən parka giriş üçün heç bir ödəniş tələb olunmayacaq.