Tacikistanda milisə arıqlamaq tapşırığı verilib

Tacikistanda milis əməkdaşlarına artıq çəkilərindən xilas olmaqla bağlı tapşırıq verilib.

AzNews.info “Qafqazinfo”ya istinadən xəbər verir ki, bu barədə daxili işlər naziri Ramazan Raximzoda açıqlama verib:

“Milisionerlər kökəlməyə başlayanda onların iş qabiliyyəti azalır. Əməkdaşlarımızın çəkisi yaş və boy uyğunluğu ilə bağlı beynəlxalq cədvəllə üst-üstə düşməlidir”.

Tapşırığa əməl edilməsinə nəzarət etmək üçün DİN-in rəhbərliyi altında xüsusi komissiya da yaradılıb.