Bakı Beynəlxalq Avtovağzalında xüsusi komissiya yaradıldı » AzNews.info -Xəbər portalı

Bölmə: Sosial, Avto

Bakı Beynəlxalq Avtovağzalında xüsusi komissiya yaradıldı

Bakı Beynəlxalq Avtovağzalında xüsusi komissiya yaradıldı


Bakı Beynəlxalq Avtovağzalının (BBA) rəhbərliyində dəyişiklikdən sonra mövcud nöqsanların aradan qaldırılmasına start verilib. İlkin olaraq ərazidə bilet satışı ilə bağlı xüsusi komissiyanın yaradılmasına başlanılıb.

AzNews.info xəbər verir ki, bunu Report-a Nəqliyyat Nazirliyi Nəqliyyatı İntellektual İdarəetmə Mərkəzi (NİİM) ictimaiyyətlə əlaqələr şöbəsinin rəhbəri Şəfa Mehmanqızı bildirib.

“Seymur Aslanov quruma rəhbər təyin edildikdən sonra BBA-da əsaslı islahatlara başlanılıb. Bilet satışı zamanı yol verilən sui-istifadə hallarına nəzarət etmək üçün xüsusi komissiya yaradılıb. Artıq heç kəsə kənarda qanunsuz şəkildə bilet satmağa icazə verilmir. Habelə bilet satışına nəzarət ancaq bayram günlərində həyata keçirilməyəcək”, - deyə Ş.Mehmanqızı qeyd edib.

O, həmçinin əlavə edib ki, sərnişinlərin biletlərinin onlayn satışı sistemində də təkmilləşdirmələr həyata keçirilir.

Belə ki, onlayn bilet seçərkən ancaq bir istiqamət üzrə bilet almaq olar, təkmilləşmə işlərindən sonra sərnişinlər sərbəst şəkildə gediş-gəliş biletlərini bir dəfəyə sərbəst şəkildə ala biləcəklər:

“Artıq onlayn bilet alan sərnişinlər öz yerlərində əyləşməyənədək, avtobuslar ərazini tərk etmir. Bu şəkildə sərnişinlərin hüquqları qorunur”.

Bundan başqa, Bakı Beynəlxalq Avtovağzalın ərazisinə kənar nəqliyyat vasitələrinin daxil olması qadağan edilib.

Yeniliklərə “Qaynar xətt”in yaradılması da daxildir. İslahatlar çərçivəsində vətəndaşlara normal şəkildə xidmət göstərəcək və sorğularını cavablandıracaq bu servisin də təkmilləşdirilməsi daxildir.

Mənbə: Report.az
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *