Nazirlik 826 min manatı işçilərə qaytardı

Gecikdirilmiş sosial xarakterli ödənişlərdən ibarət 826 min 195 manat məbləğində vəsaitin işəgötürənlər tərəfindən işçilərə ödənilməsi təmin olunub.

Bu barədə Oxu.Az-a Əmək və Əhalinin Sosial Müdafiəsi Nazirliyindən (ƏƏSMN) bildirilib.

“Həmin vəsaitin 782 min 531 manatı (94,7%) gecikdirilmiş əməkhaqlarından, 25 min 774 manatı (3,2%) işəgötürənlər tərəfindən işçilərə ödənilməli olan sosial müavinətlər və kompensasiyalardan ibarət olub. Qalan hissəsini isə zərərə görə ödənişlər təşkil edib.

Ayrı-ayrı vətəndaşların işdən qeyri-qanuni şəkildə azad edilmələri ilə bağlı müraciətlərlə əlaqədar görülən tədbirlər nəticəsində isə 21 nəfər işçinin yenidən əvvəlki işlərinə bərpa edilmələri təmin olunub”, - deyə nazirlikdən qeyd olunub.