Hindistanda dünyanın ən hündür məbədi tikiləcək

Hindistanın Vrindavane şəhərində 70 mərtəbəli məbədin ucaldılması planlaşdırılır.

Oxu.Az-ın “The New Indian Express” nəşrinə istinadən məlumatına görə, tikilinin hündürlüyü 200 metrdən çox olacaq.

Lahiyənin təşəbbüskarı “Krişna şüuru Beynəlxalq Cəmiyyəti”dir. Təxminən 200 hektarlıq ərazidə Krişnanın məbədindən əlavə park və müxtəlif ictimai tədbirlərin keçirilməsi üçün binalar da olacaq.

Lahiyənin məsləhətçisi “Petronas Twin Towers” Malayziya kompleksi və ”Şanxay Tower” kimi göydələnlərin tikilməsində iştirak edən “Thornton Tomasetti” şirkətidir.

Tikintinin ümumi dəyəri 120 milyon dollar məbləğində qiymətləndirilir.