Dünyanın ən hündür binasının Dubayda ucaldılması planlaşdırılır

Layihənin dəyəri bir milyard dollara yaxındır.

“Emaar Properties” inşaat şirkəti Dubayda dünyannı ən hündür binasını ucaltmaq niyyətindədir.

Oxu.Az “The Guardian”a istinadən xəbər verir ki, bina 828 metr hündürlüyü olan “Burc Xəlifə”ni geridə qoyacaq.

“Emaar Properties” baş icraçı direktoru Məhəmməd Alabbar bəyan edib ki, layihənin dəyəri bir milyard dollara yaxın olacaq.

O, yeni binanın yekun hündürlüyünün bir qədər sonra elan ediləcəyini bildirib. İcraçı direktor, həmçinin şirkətin Dubayın Beynəlxalq Expo sərgini qəbul etdiyi zaman, “şəhərə 2020-ci il hədiyyəsi” kimi təqdim etmək istədiyini də qeyd edib.

Layihənin dizayneri ispan-isveçrə memarı Santyaqo Kalatrava Valsdır.

Göydələndə restoranlar, mehmanxanalar və baxış meydaçası olacaq.

Xatırladaq ki, dünyanın ən hündür tikilisi sayılan “Bürc Xəlifə” göydələninin inşaatı 2010-cu ilin yanvarında başa çatıb. Onun hündürlüyü 828 metrdir, inşaatı 1,5 milyard dollara başa gəlib.