Azərbaycan Türkiyəyə sərmayə yatırımlarını 20 milyard dollara çatdıracaq

Hazırda Azərbaycanda 2600-dən çox türk şirkəti, Türkiyədə isə 1600-ə yaxın Azərbaycan şirkəti uğurla fəaliyyət göstərir.

Oxu.Az xəbər verir ki, bunu Azərbaycanın iqtisadiyyat və sənaye naziri Şahin Mustafayev Bakıda səfərdə olan Türkiyənin gömrük və ticarət naziri Cenap Aşçı ilə görüşdə bildirib.

Türkiyənin Azərbaycanın əsas ticarət tərəfdaşı olduğunu qeyd edən nazirin sözlərinə görə, ölkələr arasında qarşılıqlı investisiya qoyuluşları həyata keçirilir.

"2020-ci ilədək Türkiyəyə yatırılacaq investisiyaların 17-20 milyard ABŞ dollarına çatdırılması nəzərdə tutulur", - deyə, Ş. Mustafayev bildirib.