“Apple” sadiq “iPhone” müştərilərini itirir

“Apple” sadiq “iPhone” istifadəçilərini itirməyə başlayıb.

Oxu.Az xarici mətbuata istinadən xəbər verir ki, yeni açıqlanan hesabata görə, “iPhone” istifadəçilərinin böyük bir qismi “Apple”in yeni “ağıllı” telefonlarını almır.

Belə ki, “Apple”in bir ildən bir satışa təqdim etdiyi yeni “ağıllı” telefonlarını alan sadiq müştərilər bu dəfə “iPhone7” ilə qərarlarını dəyişib.

UBS analitiklərinin hazırladığı yeni rəqəmlərə görə, “Apple”in sadiq müştəriləri “iPhone7”-ni bəyənməyib və bununla bağlı olaraq istifadəçi sayında kəskin eniş müşahidə edilir.

Ölkələrə görə fərqlilik nümayiş etdirən hesabat dəyərləndirilən zaman aydın olur ki, buna səbəb Yaponiya və Çin tərəfindən istehsal olunan yeni “ağıllı” telefonlar ilə bağlıdır. Məhz bu səbəbdən şirkət istifadəçilərinin 30%-ni itirib. Eskpertlər növbəti dövrlərdə bu rəqəmin artacağını isə istisna etmir.

“Apple”in digər sadiq müştəriləri isə “ağıllı” telefonların sektorun hələ də irəlidə olmasına səbəb olub. Başqa bir analitikə görə isə “Apple” müştərilərinin 43%-i yeni “iPhone” alacaqlar.