Sumqayıtda kütləvi dava: 3 qardaşı döydülər

Sumqayıt şəhərində kütləvi dava olub.

"Report" bildirir ki, dava zamanı 23 yaşlı Nəbi Qarayevə 3 bıçaq zərbəsi vurulub.

Onun qardaşları - 29 yaşlı Miri Qarayev və 22 yaşlı İmran Qarayev naməlum şəxslər tərəfindən döyülüblər.

Hər üç qardaş Sumqayıt Şəhər Mərkəzi Xəstəxanasına çatdırılıb.

N.Qarayevin vəziyyəti stabil-ağırdır.

Faktla bağlı Sumqayıt Şəhər Polis İdarəsinin əməkdaşları araşdırma aparırlar.