ATMU-da I kurs tələbələri ilə görüş keçirilib

AzNews.info xəbər verir ki, Sentyabrın 20-də Azərbaycan Turizm və Menecment Universitetində “Turizm və qonaqpərvərlik” fakültəsinin I kurs tələbələri ilə görüş keçirilib. ATMU-nun rektoru səlahiyyətlərini icra edən s.ü.f.d., dos. Eldar Aslanov gəncləri tələbə adı qazanmaları münasibəti ilə təbrik edib, təhsil uğurları arzulayıb. “Turizm və qonaqpərvərlik” fakültəsinin dekanı, c.e.n. Rəhman Səfərov, dekan müavinləri i.e.ü.f.d. Flora Ələsgərova, Anar Fərmayılov, “Keyfiyyət təminatı” şöbəsinin müdiri Nərminə Abdullayeva, “Beynəlxalq əlaqələr” şöbəsinin müdiri Orxan Musa, “Keyfiyyət təminatı” şöbəsinin “Qeydiyyat” bölməsinin rəhbəri Leyla Salmanova və digər qrumun səlahiyyətli nümayəndələri fəaliyyətləri barədə məlumat verməklə bərabər, tələbələri maraqlandıran sualları cavablandırıblar.

Görüşün sonunda 1-ci kursda təhsil alanlara tələbə vəsiqələri təqdim olunub.