Mədəniyyət və turizm naziri Əbülfəs Qarayev TÜRKSOY-un baş katibi Düsen Kaseinov ilə görüşüb

AzNews.info xəbər verir ki, 14 sentyabr 2016-cı il tarixində mədəniyyət və turizm naziri Əbülfəs Qarayev Beynəlxalq Türk Mədəniyyəti Təşkilatının (TURKSOY) baş katibi Düsen Kaseinov ilə görüşüb.

Görüşdə Şəkidə keçiriləcək “Üç Məkan” II Şəki Beynəlxalq Teatr Festivalının Türkdilli ölkələr üçün əhəmiyyətindən söhbət açılmış, eləcə də ölkəmizlə təşkilat arasında olan əməkdaşlıq əlaqələri müzakirə edilmişdir.

TÜRKSOY-un baş katibi Düsen Kaseinov səmimi qəbula görə Nazirə təşəkkürünü bildirmiş, 2016-cı il tarixində Şəki şəhərinin “Türk dünyasının mədəniyyət paytaxtı” elan olunması çərçivəsində həyata keçirilən layihələrin əhəmiyyətini xüsusi vurğulamış və bu istiqamətdə görülən işləri yüksək qiymətləndirmişdir.