Qafqazın hələ də orta əsrlərdə yaşayan ən ucqar kəndi – İLGİNC FOTOLAR

Gürcüstanda Qafqaz dağlarının yüksəkliklərindəki Svaneti bölgəsində bir kənd var.

Cebhe.info xarici mətbuata istinadən xəbər verir ki, bu kənddə hələ də orta əsr mədəniyyəti yaşayır. Bölgənin əsrlər boyu xarici aləmlə əlaqəsi olmayan bu kəndində svanlar yaşayır və çox sayda turisti özlərinə cəlb edirlər.



Dünya irsi statusuna malik bu kəndlərdə yaşayan svanlar ənənələrinə çox bağlıdırlar.



Ərəblər, monqollar, farslar, osmanlılar tarix boyu güclü imperiya ordularını Avropayla Asiya arasındakı sərhəd olan Gürcüstana göndərib.



Amma svan xalqının Qafqaz dağları arasında gizlənmiş bu yurdu rusların 19-cu əsrin ortalarında regionu nəzarət altına almasına qədər fəth edilməyib.



Svanetinin təcrid olunması ərazinin tarixi dəyərini formalaşdırıb.



Dağlıq sığınacaqlarda svan xalqı qədim bir mədəniyyəti qorumağı da bacarıb.



Gürcülər təhlükəli dövrlərdə etibarlı olsun deyə ikona, ləl-cəvahirat və əlyazmalarını dağlardakı kilsə və qüllələrə göndərərək Svanetini qədim gürcü mədəniyyətinin anbarına çevirib.



Hazırda da Qafqazın ən yüksək və ən ucqar kəndlərinin yerləşdiyi Yuxarı Svanetide yaşayan svanlar ənənələrinə sıx bağlıdırlar.



Yazı dili olmayan svanların xilas edilməsi üçün çalışan norveçli alim Riçard Baerug "Svaneti yaşayan bir etnoqrafiya muzeyidir" deyir.



"Başqa heç bir yerdə orta əsr Avropasının adət və ənənələrini davam etdirən bir yer tapılmaz".