Rioda daha bir hovuz yaşıllaşdı

Rio-de-Janeyrodan yalnız idman rekordları deyil, eləcə də medallar uğrunda mübarizənin aparıldığı şərait barədə də xəbərlər gəlir.

Oxu.Az “Rossiya 24”-ə istinadən xəbər verir ki, KİV Rio-de-Janeyroda dünən Olimpiya hovuzlarından birində suyun yaşıllaşması barədə müzakirəyə son qoymamış, bu gün analoji halın təkrarlandığı məlum olub.

Bir sutka ərzində ikinci hovuzun suyunun yaşıllaşmasından sonra təşkilatçılar baş verənlərin səbəbini açıqlamalı olublar.

Oyunların təşkilat komitəsindən buna suyun tərkibində qələvi turşusunun səviyyəsinin düşməsi ilə izah ediblər, idmançılar onların səhhəti üçün təhlükəli olmadığını iddia ediblər.

Daha öncə avqustun 10-da tramplindən suya tullanma hovuzunda suyun yaşıla boyandığı, avqustun 11-də isə su polosu və sinxron üzmə hovuzunun suyunun bataqlıq suyu rənginə boyandığı bildirilib.