Qaralovdan xüsusi göstəriş

Baş prokuror Zakir Qaralov ölkədə baş verən qaz partlayışları ilə bağlı xüsusi göstəriş verib.

ANS PRESS-in məlumatına görə, bu gün Baş Prokurorluqda ötən ilin yekunlarına həsr olunmuş əməliyyat müşavirəsində Zakir Qaralov xüsusi göstəriş verib ki, müvafiq qurumlar qaz təchizatı sahəsində fəaliyyət göstərən və bu sahəyə dövlət nəzarətini həyata keçirən müvafiq icra strukturları və dövlət təsisatları ilə əlaqəli şəkildə, insanların ölümünə və xəsarət almasına, ölkə iqtisadiyyatına külli miqdarda ziyan dəyməsinə səbəb olan qaz partlayışları və dəm qazından zəhərlənmə hadisələrini doğuran səbəb və şəraitin aradan qaldırılması məqsədilə təxirəsalınmaz tədbirlərin görülməsi təmin edilsin.