Aralıq dənizi üzərində təyyarə itdi

“EgyptAir” şirkəti Aralıq dənizi üzərində itən MS804 marşrutlu təyyarənin göyərtəsində olan sərnişin və heyət üzvlərinin sayını dəqiqləşdirib.

Oxu.Az xəbər verir ki, bu barədə aviadaşıycının nümayəndələri Twitter-də məlumat yayıblar.

“EgyptAir şirkətinin verdiyi rəsmi məlumata görə, Parisdən Qahirəyə uçan təyyarənin göyərtəsində bir azyaşlı uşaq və iki körpə daxil olmaqla 56 sərnişin, təhülkəsizlik xidmətinin üç əməkdaşı və yeddi heyət üzvü olub. Beləliklə də təyyarədə ümumilikdə 66 nəfər olub”, - məlumatda deyilir.

08.36

Parisdən Qahirəyə uçan “Egyptair” şirkətinə məxsus sərnişin təyyarəsi Aralıq dənizi üzərində itib.

Oxu.Az lenta.ru-ya istinadən xəbər verir ki, Misirin “Al Wafd” portalının məlumatına görə, təyyarə Yunanınstanın hava məkanına girdikdən 20 dəqiqə sonra yoxa çıxıb.

“EgyptAir” öz Twitter səhifəsində təyyarənin itməsi faktını təsdiqləyib. Əvvəlcə aviaşirkət təyyarənin radarların ekranından itməsi anında Misirin hava məkanından 80 mil (128 km) məsafədə və 11 min metr hündürlükdə olub.

Daha sonra “EgyptAir” dəqiqləşdirib ki, layner Misirin hava məkanında itib.

Mayın 18-də Paris vaxtı ilə 23:09-da “Şarl de Qoll” hava limanından uçan MS804 reysinin göyərtəsində 58 sərnişin və 10 ekipaj üzvü olub.

Misirin CBC telekanalının Twitter səhifəsində bildirilir ki, Misir və Yunanıstanın hərbi aviaviasiyası Aralıq dənizi üzərində itmiş təyyarənin axtarışına başlayıblar.

Bundan başqa, qeyd olunur ki, Misirin mülki aviaasiya naziri Şərif Fəthi Səudiyyə Ərəbistanının Ciddə şəhərinə səfərini yarımçıq qoyaraq Vətəninə qayıdıb.