Əbülfəs Qarayev Dorina Bianchini qəbul etdi – FOTO

Mədəniyyət və turizm naziri Əbülfəs Qarayev İtaliya Mədəniyyət Nazirinin katibinin müavini Dorina Bianchini qəbul etdi

AzNews.info xəbər verir ki, Mədəniyyət və turizm naziri Əbülfəs Qarayev BMT-nin Sivilizasiyalar Alyansının 7-ci Qlobal Forumunda iştirak edən İtaliya Mədəniyyət Nazirinin katibinin müavini Dorina Bianchini qəbul etdi. Görüş zamanı Forumun əhəmiyyəti, Azərbaycan və İtaliya arasında mədəni əlaqələrlə müzakirə edildi. Əbülfəs Qarayev Azərbaycanın İtaliya arasında hər zaman isti münasibətlərin olduğunu diqqətə çatdıraraq, ölkəmizin mədəni irsi haqqında qonaqları məlumatlandırdı. Mədəniyyət sahəsində qarşılıqlı əlaqələrdən söz açan nazir İtaliya və Azərbaycan muzeyləri arasında əlaqələrin vacibliyini vurğuladı.

Azərbaycanın turizm potensialının özəlliklərini qonaqların diqqətinə çatdıran nazir Azərbaycan Turizm və Menecment Universiteti və Azərbaycan Turizm Assosiasiyası, Azərbaycan Konqreslər Bürosu, Azərbaycan Sağlamlıq və Termal Turizminə Dəstək, Kənd Yaşıl Turizminin İnkişafına Dəstək İctimai Birlikləri haqqında qonaqları məlumatlandırdı. Sağlamlıq, dağ, əyləncə və s. turizm növlərinin ölkəmizdə inkişafını diqqətə çatdırdı.

Dorina Bianchi yüksək qonaqpərvərliyə görə təşəkkürünü bildirdi və İtaliya Azərbaycan arasında mədəni əlaqələrin bundan sonra da davam etdiriləcəyinə əminliyini vurğuladı.