Qarayev ərəb həmkarı ilə görüşdü – FOTO

Mədəniyyət və turizm naziri Əbülfəs Qarayev Səudiyyə Ərəbistanın informasiya və mədəniyyət naziri Adel Zaid F.Altoraifini qəbul etdi

AzNews.info xəbər verir ki, Mədəniyyət və turizm naziri Əbülfəs Qarayev BMT-nin Sivilizasiyalar Alyansının 7-ci Qlobal Forumu çərçivəsində ölkəmizdə qonaq olan Səudiyyə Ərəbistanın İnformasiya və Mədəniyyət naziri Adel Zaid F.Altoraifini qəbul etdi. İkitərəfli görüş çərçivəsində nazir qonağa Azərbaycanın tolerant ölkə olaraq hər zaman mədəni dialoqa açıq olduğunu bildirdi.

Azərbaycanda keçirilən beynəlxalq tədbirlər haqqında danışan nazir Bakıda keçiriləcək İslam Həmrəylik oyunlarının müsəlman dövlətləri arasında birliyin daha da möhkəmlənmisinə xidmət edəcəyinə ümidvar olduğunu bildirdi.

Qonaq tədbirin təşkilinə görə Azərbaycan hökümətinə təşəkkürünü bildirdi. Ölkələrimiz arasında mədəni sahədə əməkdaşlığın bundan sonra davam etdiriləcəyini vurğuladı.

Əbülfəs Qarayev mədəniyyətin bütün sahələri, turizmlə bağlı münasibətlərin davamlı inkişafı, Azərbaycanda keçirilən musiqi festivalları, kitab sərgilərdə Səudiyyə Ərəbistanın da yaxından iştiraka dəvət etdi.