Türkiyədə 16 terrorçu məhv edildi

Türliyənin cənub-şərqində ötən gün ərzində PKK terror təşkilatının 16 üzvü məhv edilib.

Oxu.Az xəbər verir ki, bu barədə Türkiyə Baş Qərargahının yaydığı məlumatda bildirilir.

“Ötən gün ərzində Nusaybinədə yeddi, Şirnak və Silopidə - dörd, Yüksəkovada isə beş PKK terrorçusu zərərsizləşdirilib”, - məlumatda qeyd olunur.

Baş Qərargahın məlumatına əsasən, bu rayonlarda keçirilən antiterror əməliyyatın zamanı ümumilikdə 680 yaraqlı məhv edilib.