Türkiyədə iyirmi PKK terrorçusu məhv edilib

Türkiyə Hərbi Hava Qüvvələrinin döyüş təyyarələri ölkənin Haqqari bölgəsində yerləşən Kürd Fəhlə Partiyasının (PKK) düşərgələrini bombalayıb.

Oxu.Az Türkiyə KİV-ə istinadən xəbər verir ki, zərbələr nəticəsində 20 terrorçu məhv edilib.

Bölgədə terrorçuların yerləşdiyi ehtimal olunan bəzi rayonlarda fövqəladə vəziyyət elan olunub. Terrorçuların daha çox hücum etdikləri Şemdinli-Tekeli yolunda təhlükəsizlik tədbirləri gücləndirilib.

Ən son məlumata görə, sentyabrın 2-də PKK terrorçularının Şemdinli-Tekeli yoluna hücumu nəticəsində bir əsgər şəhid olub.