Füzulidə "Xəcalət” adlı tamaşa təqdim edilib – FOTO

Bu münasibətlə Füzuli rayonunda "N” saylı hərbi hissədə tədbir keçirilib.

AzNews.info xəbər verir ki, tədbirdə Müdafiə Nazirliyinin rəsmisi, polkovnik-leytenant Abdulla Qurbani, Füzuli Dövlət Dram Teatrının yaradıcı heyəti və orta məktəbin müəllim və şagird kollektivi də iştirak edib.
İlk öncə çıxış edən Abdulla Qurbani 1918-ci ildə törədilmiş mart soyqırımı haqqında tədbir iştirakçılarını məlumatlandırmış, daha sonra faciə qurbanlarının xatirəsini bir dəqiqəlik sükutla yad etməyi təklif etmişdir.
Sonda isə Füzuli Dövlət Dram Teatrı vətənpərvərlik mövzusunda olan Hüseynbala Mirələmovun "Xəcalət” tamaşasını tədbir iştirakçılarına təqdim edib.
Tamaşanın quruluşçu rejissoru Asif Şirinov, quruluşçu rəssamı Ellinaz Balaşova, musiqi tərtibatçısı Sənan Sevindikzadədir.
Tamaşada əsas rollarda Əli Hüseynov, Sevinc Məmmədova, Elçin Məmmədov, Əsmər İbrahimova, Sehran Xanlarov, Fatimə Səfərəliyeva, Elşən Gözəlov, İsmayıl İbrahimov çıxış ediblər.