Qusar mədəniyyət işçiləri Quba Soyqırımı Memorial Kompleksini ziyarət etmişdir – FOTO

Azərbaycan Respublikası Prezidenti Administrasiyasının rəhbərinin təsdiq etdiyi “Erməni diasporuna qarşı effektiv mübarizə tədbirlərinin və koordinasiya işlərinin gücləndirilməsinə dair” Fəaliyyət Planının icrası məqsədilə Azərbaycan Pespublikası Mədəniyyət və Turizm Nazirliyi tərəfindən hazırlanmış Tədbirlər Planına əsasən, “Quba Soyqırımı Memorial “Kompleksi”nə respublikanın müxtəlif regionlarından məktəbli, tələbə və mədəniyyət işçilərinin ekskursiyasının təşkili nəzərdə tutulmuşdur.
AzNews.info xəbər verir ki, 30 mart 2016-cı ildə tarixdə Azərbaycanlıların soyqırımı günü ilə əlaqədar Qusar rayon Mədəniyyət və Turizm şöbəsinin təşkilatçılığı ilə mədəniyyət işçilərinin bir qrupunun Quba rayonunda yerləşən Quba Soyqırımı Memorial Kompleksinə ziyarəti təşkil olunmuşdur.
Soyqırım qurbanlarının əziz xatirəsi bir dəqiqəlik sükutla yad olunmuş, məzarlığa qərənfillər dəstələri düzülmüşdür. Soyqırım Memorial Kompleksinin işçiləri tərəfindən ziyarətçilərə qan yaddaşımızın ən ağrılı səhifələri olan soyqırım, deportasiya, azərbaycanlıların tarixi torpaqlarından cıxarılması haqqında ətraflı məlumat verilmişdir.