Azərbaycanlını Rusiyadan ikinci cəhddə deportasiya etdilər

Bir ay əvvəl gənc oğlan Rusiyadan məcburi şəkildə deportasiya olunmuşdur. Lakin o, öz soyadını dəyişib, yeni pasport alıb və yenidən Rusiya Federasiyasının ərazisinə daxil olub.

Oxu.Az-ın məlumatına görə, RF Regional Miqrasiya İdarəsinin məlumatına görə, martın 15-də Ulyanovsk vilayətinin Zasviyajsk rayonunda satış nöqtələrində yoxlamalar aparılarkən Rusiya ərazisində qanunsuz yaşayan Azərbaycan vətəndaşı ifşa edilib.

Məlum olub ki, bu ilin fevral ayının 12-də vətəndaş Miqrasiya Nəzarəti əməkdaşları tərərfindən RF ərazisindən deportasiya edilib. Ona 2021-ci ilə qədər ölkəyə giriş qadağan olunub.

Səbəb isə, xarici vətəndaşın narkotik maddələrin dövriyyəsinə görə həbsxanada bir müddət keçirməsi olub.

Hal-hazırda azərbaycanlı Rusiya Federal Miqrasiya Xidməti İdarəsinin Ulyanovsk vilayəti üzrə təcridxanasına yerləşdirilib. Burada o, ölkədən deportasiya olunanadək gözləyəcək.