Rusiya “qanuni oğru”nu Bakıya deportasiya etdi – VİDEO+FOTO

Moskva vilayətinin Lobnya şəhərində Rusiya DİN-in cinayət axtarış Baş İdarəsinin əməkdaşları Rusiyanın xüsusi təyinatlı çevik reaksiya qüvvələri mərkəzinin əməkdaşları ilə bərabər əslən Azərbaycandan olan cinayətkar aləmdə “Yunus” kimi tanınan 54 yaşlı cinayətkarı saxlayıblar.

Oxu.Az Rusiya XİN-nin saytına istinadən xəbər verir ki, bu ilin yanvar ayında o artıq əməliyyatçılar tərəfindən cinayətkar aləmin lider və avtoritetlərinin “sxodkası” zamanı saxlanılmışdı və ona Rusiya Federasiyasının ərazisini tərk etmək tövsiyə edilmişdi. Amma indiyə qədər o, Moskva ərazisində olub.

Dünən saxlanılan şəxs Moskva-Bakı reysi ilə Rusiya Federasiyası ərazisindən çıxarılıb.