“Səhnəyə ilk addım” adlı konsert keçiriləcək

Bakı Şəhər Mədəniyyət və Turizm İdarəsinin G.Şaroyev adına 35 nömrəli 11 illik Musiqi Məktəbinin təşkilatçılığı ilə hər il ənənəvi olaraq 8 mart – Beynəlxalq Qadınlar günü münasibətilə “Səhnəyə ilk addım” adlı Bakı şəhərinin uşaq musiqi və incəsənət məktəblərində təhsil alan 1-ci sinif şagirdlərinin konserti keçiriləcək.

AzNews.info xəbər verir ki, konsert 4 mart, saat 15.00-da Q.Qarayev adına Mərkəzi İncəsənət Məktəbinin konsert zalında keçiriləcək.

Qeyd edək ki, konsert çərçivəsində İncəsənət Məktəbinin 1-ci sinif şagirdlərinin əl işlərindən ibarət sərgi də təşkil olunacaq.