GDU yeni layihənin icrasına başlayır.

Gəncə Dövlət Universiteti Gəncə Avropa Gənclər Paytaxtı layihəsinə dəstək məqsədi ilə yeni bir layihənin icrasına başlayır. Bu layihənin adı “Gəncə Avropa Gənclər Paytaxtı 2016 Gəncə Dövlət Universiteti tələbələrinin I könüllülük Qış Məktəbi” adlanır.

AzNews.info-ya verilən məlumata görə, layihənin əsas məqsədi gənclərə könüllülük prinsiplərinin aşılanması, layiqli vətəndaş olmaq istiqamətində könüllülük anlayışının əhəmiyyəti və “Gəncə -2016 Avropa Gənclər Paytaxtı” proqramı üçün könüllülərin yetişdirilməsinə xidmət etməkdir.

3 gün davam edəcək layihənin gedişində maraqlı təlimlər- “Komanda işi, “Liderlik”, “Könüllük” və Gəncə Avropa Gənclər Paytaxtı layihəsi çərçivəsində görüşlərin keçirilməsi nəzərdə tutulub.

Təlimçilər - Toğrul Ələkbər, Tamerlan İsmayılov və Kamran Məmmədovun olacağı “Qış Məktəbi”ndə iştirak etmək istəyən gənclər GDU TGT-yə müraciət edə bilər. Layihənin açılış mərasimi 27 fevral, bağlanış mərasimi isə 1 mart tarixində olacaq.

Qeydiyyat üçün son tarix 25 fevraldır.