Fransa polisi Araz Hümbətovu saxladı – VİDEO

Fransanın TF1 telekanalında yayımlanan “The Voice” (“O səs”) şousundakı çıxışı ilə məşhur olan azərbaycanlı musiqiçi Araz Hümbətli Tuluzada yerli polis tərəfindən saxlanılıb.

Oxu.Az-ın Vzglyad.az-a istinadən verdiyi xəbərə görə, Araz Hümbətli küçədə mahnı oxuduğu üçün tutulub.

O, polis tərəfindən dindirildikdən sonra sərbəst buraxılıb.

“Tuluza küçələrində tez-tez mahnı oxuyuram. Buna görə birinci dəfə deyildi ki, məni saxlayaraq bölməyə aparıblar. Xoşbəxtlikdən Tuluzanın polisləri mənə hörmət edib azadlığa buraxdı. Onlar gözəl mahnı ifa etdiyimi, lakin küçədə mahnı oxumağın qadağan olduğunu dedilər”, - deyə müğənni bildirib.



A.Hümbətli Fransaya köçməsi ilə bağlı çox saylı suallara da cavab verib.

“Mən Azərbaycandan Fransaya sevgimə görə gəlmişəm. Üç il əvvəl Bakıda işləyən fransız xanım Pieraya aşiq oldum. Biz ailə həyatı qurduq və Parisə köçdük. Lakin ora olduqca soyuq idi. Mən təsadüfən “Google Maps”də Fransanın cənubunda yerləşən şəhərlərə baxdım. Tuluza küçələrini, kərpicdən olan binaları görəndə burada yaşamaq qərarına gəldim. Biz 20 ay əvvəl bu şəhərə köçmüşük və Krua-de Pyer rayonunda yaşayırıq. Tuluza mənim üçün sevgi şəhəridir”, - deyə A.Hümbətov bildirib.