Astarada piyadanı vurub öldürdülər » AzNews.info -Xəbər portalı

Bölmə: Sosial, Hadisə, Kriminal, Avto

Astarada piyadanı vurub öldürdülər

Astarada piyadanı vurub öldürdülər


Astarada piyadanın ölümü ilə nəticələnən ağır yol-nəqliyyat qəzası baş verib.

AzNews.info-nun APA-ya istinadən məlumatına görə, hadisə yanvarın 2-də saat 21.00 radələrində rayonun Şahağac kəndi ərazisində qeydə alınıb.

Astaranın Şahağac kənd sakini, 1988-ci il təvəllüdlü Zamin Zahir oğlu Həsənov yolu keçmək istəyərkən Lənkəran rayonunun Digah kənd sakini İzzət Qurban oğlu Cəfərovun idarə etdiyi “Mercedes” markalı, 42 BK 492 dövlət nömrə nişanlı mikroavtobus onu vurub. Müxtəlif dərəcəli bədən xəsarətləri almış piyada hadisə yerindəcə dünyasını dəyişib.

Onun meyiti Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib.

Yol polisi əməkdaşları qəzanın baş verdiyi ərazini müayinə ediblər. İlkin versiya kimi hadisəyə avtomobilin yüksək sürətlə idarə olunması göstərilir. Qəzanın dəqiq başvermə səbəbləri isə avtoekspertizanın yekun rəyindən sonra məlum olacaq.

Hadisəni törətmiş sürücü istintaqa cəlb olunub.

Faktla bağlı Astara Rayon Polis Şöbəsində araşdırma aparılır.

Mənbə: APA
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *