Qazaxın Xanlıqlar kəndi qazsız qalacaq

Dekabrın 1-də saat 10:00-dan 18:00-dək “Qaz İxrac” İdarəsinin Qazax magistral qaz kəmərləri sahəsinin “Xanlıqlar” qazpaylama stansiyasında, eləcə də bəzi ölçü qovşaqlarında cari təmir işləri aparılacaq.

Bu barədə “Azəriqaz” İB-dən Oxu.Az-a bildirilib.

Qurumdan verilən məlumata görə, təmir işləri aparılan müddətdə Qazax rayonunun Xanlıqlar kəndinin qaz təchizatında məhdudiyyətlər olacaq.