Bu gün bəzi rayonlarda qaz olmayacaq

Bu gün Azərbaycanın bəzi bölgələrində təbii qazın verilməsi dayandırılacaq.

"SOCAR" mətbuat mərkəzindən ANS PRESS-ə daxilolan məlumata görə, bu gün (sentyabrın 14-də) saat 10:00-dan 18:00-dək “Qaz İxrac” İdarəsinin Hacıqabul magistral qaz kəmərləri sahəsinin “Kürdmaşı” Qazpaylama stansiyasında və bəzi ölçü qovşaqlarında cari təmir işləri aparılacaq.

Təmir müddətində İsmayıllı rayonunun Habit, Qarakollar, Aşıqbayram, Ustal, Mollauşaq, Hardamalı, Kürtelli, Qaçqınlar və Kürdmaşı kəndlərinin qaz təchizatında məhdudiyyətlər olacaq.