Fransada 12 nəfər daşqınların qurbanı olub – FOTO

Fransanın cənubunda leysan yağışları nəticəsində yaranan daşqınlar 12 nəfərin həyatına son qoyub.

Oxu.Az-ın məlumatına görə, bu barədə France Bleu nəşri məlumat yayıb.

Nəşrin məlumatına əsasən, daşqınlar nəticəsində Biot kommunasında qocalar evində 3 nəfər ölüb. Onların cəsədləri binanın su ilə dolmuş birinci mərtəbəsində tapılıb.

Beş nəfər Mandalye-la-Napul şəhərində yeraltı dayanacaqda avtomobillərini park edəndə, 3 nəfər isə Valloris şəhərində dəmiryolu vağzalı ilə üzbəüz tuneldə təbii fəlakətin qurbanı olublar.

Kann şəhərində isə 60 yaşlı qadın boğularaq dünyasını dəyişib.

Fransanın cənubunda fövqaladə vəziyyət elan edilib.