Azərbaycan “Avroviziya 2016”da iştirak edəcək

Azərbaycanın İctimai Televiziya Kanalı Azərbaycanın gələn ilin mayında Stokholmda keçiriləcək “Avroviziya 2016” mahnı müsabiqəsində iştirakını təsdiq edib.

Oxu.Az bu barədə “Esctoday” saytına istinadla xəbər verir.

Məlumata əsasən, İctimai Televiziya Kanalı “Avroviziya 2016”də Azərbaycanı təmsil edəcək iştirakçının seçilməsi qaydalarını müəyyən edəcək.

Qeyd edək ki, “Avroviziya 2015” mahnı müsabiqəsinin qalibi İsveç təmsilçisi Mons Zelmerlov olub.

Azərbaycanı təmsil edən Elnur Hüseynov isə müqabiqədə “Hour of the wolf” mahnısı ilə 12-ci yeri tutub.