“Eurovision 2016” Stokholmda keçiriləcək

“Eurovision” müsabiqəsi 2016-cı ildə İsveçin paytaxtında, “Qloben” arenasında keçiriləcək.

Oxu.Az TASS-a istinadən xəbər verir ki, bu barədə çərşənbə günü müsabiqənin təşkilatçısı CBT telekanalı bildirib.

“Eurovision”u keçirməyə üç arena – Stokholmda “Qloben”, krallığın qərbində Höteborqda “Skandinavium” və Stokholmdan 170 km cənubi-qərbdə yerləşən Linçöpinq şəhərində “Saab” arenası namizəddir.

Müsabiqənin aparıcıları kimi artıq Mons Zelmerlöv və Hollivud aktyoru, Stilvestr Stallone ilə bərabər “Rokki 4” (Rocky IV, 1985) filmində, rus boksçusu İvan Draqonun rolunu oynayan isveçli Dolf Lundqrenin adı çəkilir.

Qeyd edək ki, 60-cı “Eurovision” mahnı müsabiqəsində İsveçə qələbəni “Qəhrəmanlar” (Heroеs) kompozisiyası ilə Mons Zelmerlöv gətirib.